Натали Портман

Натали Портман (Natalie Portman) - Израильден шыққан американдық кино және театр актрисасы. Шын аты-жөні - Натали Хершлаг (Natalie Hershlag).

1994 жылы "Леон" фильміндегі алғашқы рөлінен кейін танымал бола бастады. 2004 жылы "Жақындық" (Closer) фильміндегі рөлі үшін "Алтын глобус" жүлдесін, BAFTA және "Оскар" сыйлықтарын алды. Сонымен қатар, "Қарақу" (Black Swan) фильміндегі рөлі үшін "Алтын глобус", BAFTA, "Оскар", "Сатурн" сыйлықтарымен марапатталды. Ол театрдағы рөлдерімен де белгілі. 

"Ева" (Eve; 2008 ж.) атты қысқаметражды режиссерлік жұмысы 65-ші Венеция кинофестивалінің қысқаметраждар конкурсын ашты. 

Портман 1981 жылы Иерусалимде дүниеге келген. Әкесі медицина саласында еңбек етті, анасы қазір қызының агенті. Наталиге үш жас толғанда ата-анасы АҚШ-қа көшіп барады. 4 жасынан бастап бимен айналысып, жергілікті қойылымдарға қатысқан. 2003 жылы Гарвард университетін психология саласының маманы ретінде аяқтады. 

Оның екі төлқұжаты бар: Израиль мен АҚШ азаматтығын қоса алып жүр. Өзі иврит және ағылшын тілінен бөлек, француз, неміс, жапон, араб тілдерін үйренген. 

Портман балет бишісі Бенжамен Мильпьемен 2010 жылы отау құрып, 2011 жылы ұлдарын дүниеге әкелді.  

Фотосурет: flickr.com; Сreative Сommons лицензиясы