Жанна Қуанышева

Қуанышева Жаннат (Жанна) Шорайқызы (4.4.1958 жылы туған, Алматы) - актриса, Қазақстанның еңбек сіңірген әртісі (1990). ҚазҰУ-да филология факультетін бітірген (1983). Қуанышева 30-дан астам кинофильмдерге түскен: "Махаббат тәмсілі" (1975), "Медеудегі кездесу" (1976), "Тоғызыншы ұлдан сақтан" (1984), "Тірі вакцина" (1987), "Қайсар" (1991), "Мені ұмыт" (1993), т.б. Ал оны халық сүйіспеншілігіне бөлеген рөлі "Гауһартас" фильміндегі Салтанат бейнесі.

Бішкек қаласында өткен Бүкілодақтық кинофестивальде "Жұлдызыңды қорға" фильміндегі бас рөлі үшін "Ең үздік әйел ролі" дипломын алды. Сондай-ақ, тұңғыш отандық телесериалдар "Тоғысқан тағдырлар" мен "Саранша" түскен. 2001 ж. "Жыл таңдауы" байқауында ең үздік актриса атанды. "Құрмет" орденімен марапатталған.

КСРО кинематографистер одағының мүшесі (1981).

Фотосурет: kazakhfilmstudios.kz