Сергей Безруков

Сергей Витальевич Безруков Ресей Федерациясының халық әртісі, мемлекеттік сыйлықтың лауреаты. 1973 жылы 18 қазанда Мәскеуде өнер адамдарының отбасында дүниеге келген. Әкесі Виталий Безруков Мәскеудің сатира театрында жұмыс істеген, актер әрі режиссер. Жастайынан әке жолымен жүруді мақсат еткен ол орта мектепті аяқтағаннан кейін 1990 жылы М.Горький атындағы академиялық театрдың мектеп-студиясына түскен. 

1993 жылдан бастап Олег Табаковтың жетекшілігіндегі театрда істейді. 

Бірнеше жыл бойы (1994-1999) НТВ арнасында"Куклы" бағдарламасында жұмыс істеп, бірнеше кейіпкерлерді (Борис Ельцин, Владимир Жириновский, Андрей Козырев) дыбыстады. 

2010 жылдың 26 шілдесінен бастап - Патриархтың мәдениет бойынша кеңесінің мүшесі. 

Әйелі - актриса Ирина Безрукова екеуі 2000 жылы отау құрды, алайда 2015 жылы ажырасып кетті.

Фотосурет: dni.ru