Нұржұман Ықтымбаев

Еңбек жолы:: Актер
Туған күні:: 14 мамыр, 1941
Туған жері:: КСРО

Өмірдерек:: Қазақстан Республикасының халық артисі, КСРО Мемлекеттік сыйлығы лауреаты.

Қазақстан, Ресей, АҚШ фильмдеріне түскен.

1941 ж. 14 мамырда дүниеге келген. Нұржұман Ықтымбаев Қазақ Мемлекеттік педагогикалық институтын аяқтаған. Кинодағы мансабы кездейсоқ басталған. Болашақ киноактердің ауылына келген «Мазасыз таң» фильмінің түсіру тобы оны фильмге түсіруге шақырады. Кейіннен Ықтымбаев «Қазақфильм» киностудиясының штаттық актері болып қабылданды.

Актер кинода әрқилы болмысты, мінезді кейіпкерлер бейнесін жасады, мысалы, «Адамдар арасындағы бөлтіріктегі» тұйық, қатаң мінезді,«Сталинге сыйлықтағы» жұмсақ мінезді, бірақ бірбеткей, ал «Барлаушыдағы» қарапайым, шығысқа тән даналық көрінетін кейіпкерлер, т.б. Актердің соңғы жұмыстарынан француз актері Ж.Депардьемен бірлесіп түскен «Кеш оянған махаббат» фильмін атауға болады. Актер анимациялық ленталарды дыбыстауға да қатысады. («Қадырдың бақыты», 2000).

Фотосурет: kazakhfilmstudios.kz

ТолығырақЫқшамдау