Британ киноакадемиясының "BAFTA 2019" жеңімпаздары белгілі болды

10 ақпанда Лондонда Британияның кино және телевизиялық өнер академиясының (BAFTA) 72 марапаттау шарасы өтті. 

Британ киноакадемиясы 2018 жылдың үздіктері деп мыналарды атады:

• Үздік фильм: "Рома" / "Roma"
• Үздік британ фильмі: "Фаворит"
• Британ сценарийшісінің, режиссерінің немесе продюсерінің үздік дебюті: Майкл Пирс (сценарийші, режиссёр), Лорен Дарк (продюсер) — "Құбыжық" / "Beast"
• Шет тіліндегі үздік фильм: "Рома" / "Roma"
• Үздік деректі фильм: "Еркін жалғыз" / "Free Solo"
• Үздік анимациялық фильм: "Өрмекші-адам: Өрмекшілер әлемінде"
• Үздік режиссер: Альфонсо Куарон ("Рома" / "Roma")
• Үздік түпнұсқа сценарий: Дебора Дэвис, Тони МакНамара ("Фаворит")
• Үздік бейімделген сценарий: Спайк Ли, Чарли Вачтел, Дэвид Рабинович, Кевин Уиллмотт ("Қара нәсілді Ку-клукс-кландық")
• Үздік актриса: Оливия Колман ("Фаворит")
• Үздік актер: Рами Малек ("Богемия рапсодиясы")
• Екінші пландағы үздік актриса: Рэйчел Вайс ("Фаворит")
• Екінші пландағы үздік актер: Махершала Али ("Жасыл кітап")
• Үздік музыка: "Жұлдыз туды"
• Үздік операторлық жұмыс: Альфонсо Куарон ("Рома" / "Roma")
• Үздік монтаж: "Орынбасар" / "Vice"
• Үздік қоюшы-суретші: "Фаворит"
• Үздік костюм дизайны: "Фаворит"
• Үздік грим және шаш үлгісі: "Фаворит"
• Үздік дыбыс: "Богемия рапсодиясы"
• Үздік визуал эффектілер: "Қара Пантера"
• Үздік қысқаметраж анимациялық фильм: "Roughhouse"
• Үздік қысқаметраж фильм: "73 сиыр" / "73 Cows"
• Жаңадан пайда болған жұлдыз: Летишиа Райт

Жүлделер саны жағынан "Фаворит" және "Рома" фильмдері алда тұр. Біріншісінде жеті, екінші аталған картинада 4 марапат бар. Үшінші орында екі жүлде алған - "Богемия рапсодиясы".