2018 жыл: Қазақстан нарығындағы шетелдік фильмдер

Қазақстан нарығына шыққан фильмдер арасында 2018 жылы миллиардты бағындырғандар болған жоқ. Ең үздігі - үшінші "Кек алушылар". Еліміздегі табысы 832 миллион теңгеден асады. 

Назарларыңызға Қазақстан киносында көрсетілген шетелдік кино өнімдеріне қатысты өзге де қызықты мәліметтерді ұсынамыз.

2018 жылы Қазақстан прокатында ең көп табыс тапқан үздік 10 шетелдік фильм:

1. "Кек алушылар: Шексіздік соғысы" - 832 млн теңге
2. "Веном" - 759 млн теңге
3. "Дэдпул 2" - 623 млн теңге
4. "Фантастикалық жануарлар: Грин-де-Вальдтың қылмысы" - 622 млн теңге
5. "Қара Пантера" - 440 млн теңге
6. "Аквамен" - 409 млн теңге
7. "Ральф интернетке қарсы" - 385 млн теңге
8. "Монстрлар демалысы 3: Теңізге саяхат" - 367 млн теңге
9. "Суперотбасы 2" - 336 млн теңге
10. "Еркектер не туралы әңгімелеседі. Жалғасы" - 324 млн теңге

*Рейтинг "Меломан" компаниясы, "Тикетон" онлайн билеттер сервисі таратқан деректер негізінде жасалды. 

"Болашақ" қауымдастығының ұйымдастыруымен Голливуд фильмдерін дубляждау жұмыстары 2018 жылы да жалғасын тапты. Былтыр кинода төрт жоба қазақша аударылып көрсетілді:

• "Суперотбасы 2" - 14 маусым
• "Монстрлар демалысы 3: Теңізге саяхат" - 12 шілде
• "Ральф интернетке қарсы" - 22 қараша
• "Шақылдақ және төрт патшалық" - 8 желтоқсан

Киностан оқырмандарының бағалауы бойынша 2018 жылдың үздік 5 фильмі (10 балдық жүйемен):

• "Кек алушылар: Шексіздік соғысы" - 9,2
• "Богемия рапсодиясы" - 8,8
• "Қара Пантера" - 8,2
• "Аквамен" - 7,4
• "Веном" - 7

Осы орайда айта кетейік, кез келген киносүйер өзі көрген фильмін біздің сайтта бағалай алады. Оқырмандардың белсенділігі неғұрлым жоғары болса, үздік немесе нашар фильмді объективті бағалау да соғұрлым жақсара түспек. Бәрі сіз бен бізге байланысты.